KASRAT E EHTELAM KA ILAJ | QUWAT-E-BAH MAIN IZAFA |HERBAL TREATMENT FOR NOCTURNAL EMISSION

Aaj sorat e haal kuch youn hai k zindagi mukammal tor par tanao  or kaam ky dabao ka shikar hai. Kaam k is tanao ki wajah sy insani jisam par shadeed muzar asrat party hain. Yahi zehni or jismani tanao mardon main ehtelam or dusry sehat k masail paida karta hai jo k aaj kal bohat aam hain.

Ehtelam(nocturnal emission) no umari main aam baat hoti hai or baad main yeh masla kabhi kabhar ho sakta hai. Lekin agar ehtelam bar bar ho to iski bunyadi wajah jismani kamzori ho sakti hai. Is masly par qabu pany k liye munasib iqdamat ki zarurat hoti hai. Qadeem Unani tibb main is ka ilaj jarri botiyon sy kiya jata raha hai jo ky haqeeqat main bohat he mujarrab ilaj hai. Ehtelam ka herbal ilaj mojoodah dor main bhe mojood hai or teer ba hadaf ilaj samjha jata hai.

BEMARI KO ROG NA BANAIN ILAJ KARWAIN

Ziyadah tar no-umar larky or nojawan mardon main yeh bemari pai jati hai. Neend k doran agar koi jazbati ya jinsi khawab ajaye to ehtelam ho jata hai or yeh aik fitri baat hai is main ghabrany wali koi baat nahi. Wo mard hazraat ho pehli dafa is cheez ka samna karty hain ghabra jaty hain or depression ka shikar ho jaty hain jiski wajah sy unki neend kam hoti jati hai or jismani kamzoriyan gherna shuru kar deti hain kiyun k un k khiyal main agar wo so gaye to bistar geela ho jaye ga or bohat si aesi sochain unhain ghery rehty hain.

Kuch mard hazrat jo ehtelam ki wajah sy pareshan rehty hain wo foran iska ilaaj talash karna shuru kar dety hain or aksar aesy jaali doctor bhe mil jaty hain jo apky ilaaj karny ki gharaz sy aapki jaib ki safai karna shuru kar dety hain. Nojwan is bary main aksar sawal karty hain ky ehtelam ko kesy roka jaye q k subh uth kar bedsheet tabdeel karna or unhain khud he dhona bohat he sharmnak mehsus hota hai.

Yad rakhain jesa ky pehly kaha gaya hai ky ehtelam agar kabhi kabhar ho to normal hai lekin agar apko masla rozana ki bunyad par ho to apko ehtelam k desi ilaj ki zarurat hoti hai. Iska behtareen hal kisi dost sy ya kisi bary sy ehtelam k bary main baat karna hai ta ky aap depression ka shikar na ho sakain.

EHTELAM KI WAJOOHAT

Mukhatalif tehqeeqat or mutaliyaat sy pata chala hai ky taqreeban 40% mard hazraat ehtelam ka shikar hain or is ki wajoohat main shamil hain;

• Be-qaida tarz-e-zindagi
• Iztarab
• Zarurat sy ziyada zehni or jismani dabao
• Hormones main adam tawazun
• Mudafiyati amraz
• Ghair mutwazan ghiza

KASRAT E EHTELAM KI ALAMAAT

Ehtelam(nocturnal emission) k bazahir to koi alamaat nahi jinhen barah-e-rast is sy jora ja sakty, lekin kuch alamaat aesi hain jin ki wajah sy ehtelam ho sakta hain un main shamil hain;

• Bechaini
• Jinsi khayalaat
• Neend ka na ana
• Raat main paseena ana
• Peshab karny main dushwari
• Jazbati masail or pareshaniyan

EHTELAM K ASRAAT SY BACHNY KY LIYE KUCH EHTIYATAIN

• Ulta laitny sy guraiz karain. Hamesha seedha laitain.
• Reshmi bed sheets ka istemal na karain or soty waqat dheely kapray pehnain.
• Zarurat sy ziyada jinsi muharrikat sy ijtinab karain.
• Apny zehni or jismani tanao ki satah ko kam karain or pursakoon rahain.
• Masalah dar ghizaon sy parhaiz karain.
• Jinsi isteha angez mawad dekhny, parhy or suneny sy guraiz karain.
• Tameerati soch apnain
• Apny sathi k sath sehatmand jinsi taluqat ustawar karain or musht zani sy guraiz karain.

KASRAT E EHTELAM KA GHARELU ILAJ

1. GHARELU ILAJ

AJZAA

• Saib ka rus
• Kalonji ka tail

TARKEEB

Kasrat E Ehtelam(nocturnal emission) ki surat main aik piyali saib ky rus main adha chaye ka chamach kalonji ka tail mila kar subh munh nehar or raat sony sy pehly pi lain. Behtareen nataij hasil karny ky liye yeh ilaj kam sy kam 12 roz tak jari rakhain.

PARHAIZ

Garam masaly wali ashiya or khanon sy parhaiz karain.

2. GHARELU ILAJ

AJZAA

• Doodh aik cup
• Chilka aik khany ka chamach
• Lajawanti adha chaye ka chamach
• Cheeni aik chaye ka chamach

TARKEEB

Cheeni ko doodh main achi tarha hal kar lain phir is main Ispaghol ka chilka dal dain or lajawanti shamil kar k raat bhar k liye fridge main rakh dain. Yaad rahy k lajawanti k muqarrar kardah miqdar he doodh main dalain q k ziyada miqdar degar masail ka sabab ban sakti hai. Subh munh nehar is amazy ko chamach sy kha lain or aik ghanty baad nastha karain. Is gharelu nuskhy k behtareen nataij hasil karny k liye kam sy kam 3 hafty tak iska istemal karain.

PARHAIZ

Mirch masaly waly khany, talli hui cheezain, anda, chota gosht or bary gosht sy mukammal ijtanab karain.